Түркістан қаласын көгалдандыру мақсатында жыл сайын түрлі ағаш көшеттері егіледі. Өткен  2018 жылдың  күз  айында  қаланың  негізгі  көшелері мен Шәуілдір тасжолының бойына  46 000 түп ағаш көшеттері отырғызылып, қаланы суландыру бағытында 6  жерден  терең  ұңғымалы  скважина қазылған болатын деп хабарлайды облыс әкімдігінің баспасөз қызметі.

Өз кезегінде бұл жұмыстар жалғасын тауып биылғы жылы қаланың барлық аумағын қамтып, 100 мың түп ағаш көшеттерін отырғызу жоспарланып отыр. Бұл көшеттердің денін шөлмен суға төзімді жиде, қара ағаш, емен тайланд және жеміс ағаштарының түрлері құрайды. Жоспарланған ағаш көшеттері тазалық мекемесінің жұмысшылары мен сенбіліктерге атсалысқан қаладағы барлық ұжымдар, үкіметтік ұйымдар мен қала жастарының күшімен егілді.

Сонымен қатар, Түркістанның кіреберіс төрт қапталынан жаппай «Павловния» ағашын (10 мың түп) отырғызу қолға алынды.  Осылайша Түркістанды жасыл желекпен көмкеру қызу жүруде.