Қытайдың Чжэцзян провинциясында жүкті әйел көшенің ортасында кенеттен босанды.

Дүйсенбі күні, 4 мамырда қытайлық Чен есімді жүкті әйел досымен серуендеуге шықты. Кенеттен оның толғағы басталып, ол шулы көшенің тротуарында бала туды. Оқиға бақылау камераларына түсіп қалды.

«Бұл ұл бала еді, мен оның ерні қара екенін көріп, қорқып кеттім. Мен оны көтеріп, бірнеше рет арқасынан қақтым, содан кейін ол қызғылт болып, айқайлай бастады. Сол кезде мен оның жағдайы жақсы екенін түсіндім», – деді Чен журналистерге берген сұхбатында.

Дәрігерлер ана мен жаңа туған нәресте ауруханадан шығарылғанын хабарлады, өйткені олардың өмірі мен денсаулығына қауіп төніп тұрған жоқ.